Aberto o prazo de matrícula no curso para a obtención do CODIX

A Amtega abriu o 15 de xuño o prazo de inscrición nas 180 prazas do curso de teleformación previo ao exame presencial de novembro para a obtención da certificación galega de competencias dixitais en ofimática.

Requisitos: ser maior de 16 anos e estar dado de alta como persoas usuarias da rede CeMIT. O curso de preparación impártese na modalidade de teleformación con titorías de apoio, polo que será necesario un ordenador persoal e conexión a internet para seguir a formación dende calquera lugar e en calquera momento.

Datas de realización: do 4 de setembro ao 26 de novembro de 2017.

Prazo de inscrición, cinco días hábiles a partir do seguinte a publicación da convocatoria no DOG, é dicir, dende o xoves 15 de xuño ata o mércores 21 de xuño incluído.

Durante as 12 semanas de duración deste curso, as persoas matriculadas formaranse nos contidos que compoñen o Plan Formativo Ofimático de Galicia, composto actualmente polas cinco unidades nas que se estrutura o módulo formativo MF0233_2 «Ofimática» (190 horas) do Repertorio Nacional de certificados de profesionalidade:

- Sistema operativo, busca da información: internet/intranet e correo electrónico (30 horas).

- Aplicacións informáticas de tratamento de textos. LibreOffice Writer (30 horas).

- Aplicacións informáticas de follas de cálculo. LibreOffice Calc (50 horas).

- Aplicacións informáticas de bases de datos relacionais. LibreOffice Base (50 horas).

- Aplicacións informáticas para presentacións: gráficas de información. LibreOffice Impress (30 horas).

Finalizado o prazo de inscrición, realizarase o sorteo público de extración das letras dos apelidos para a establecer a prelación por orde alfabética e publicarase a relación provisional de persoas admitidas na páxina web da rede CeMIT e un número adecuado de reservas. As persoas admitidas deberán aboar no prazo de cinco días hábiles desde a data da publicación na web da relación provisional a taxa de 10,10€ correspondente aos dereitos de exame, sendo excluídos aqueles aspirantes que non aboen a citada taxa.

Máis información no DOG